Gjykata e Posaçme ka dënuar me burg 2 persona të akuzuar për trafik të lëndëve narkotike nga Shqipëria në Greqi.
GJKKO vendosi deklarimin fajtor të të pandehurit Aleks Nanaj (alias Adil Nanaj) për kryerjen e veprës penale “Trafikimi i narkotikëve”, e kryer në bashkëpunim në formën e posaçme të grupit të strukturuar kriminal dhe dënimin e tij me 16 (gjashtëmbëdhjetë) vjet burgim.
Deklarimin fajtor të të pandehurit Aleks Nanaj (alias Adil Nanaj) për kryerjen e veprës penale “Grup i strukturuar kriminal”, në formën e drejtimit të grupit të strukturuar kriminal dhe dënimin e tij me 3 (tre) vjet burgim.
Në bashkim të dënimeve dënimin e të pandehurit Aleks Nanaj (alias Adil Nanaj) me një dënim të vetëm përfundimtar prej 16 (gjashtëmbëdhjetë) vjet burgim.
GJKKO vendosi pushimin e çështjes penale në ngarkim të të pandehurit Emiljant Lamkollari (alias Emiljan Lamkollari), i akuzuar për kryerjen e veprave penale “Trafikimi i narkotikëve”, kryer në bashkëpunim në formën e posaçme të grupit të strukturuar kriminal.
Deklarimin fajtor të të pandehurit Pashk Syla për kryerjen e veprës penale të “Prodhim dhe shitje e narkotikëve”, e kryer në bashkëpunim dhe dënimin e tij me 7 (shtatë) vjet burgim.
i.b./dita
