Prokuroria e Fierit ka zbërthyer skemën se si funksiononte rrjeti i prostitucionit në Mbrostar të Fierit. Organizatori për këtë rrjet është 29-vjeçari Osjon Puka, i cili rekrutonte vajza nga Uganda fillimisht si ‘strip dance’. Vajzat e trafikuara kishin hyrë në vendin tonë në muajin mars 2024.
Por më pas duke përfituar nga kushtet ekonomike dhe sociale, vajzat e trafirkuara pranonin kryerjen e shërbimeve seksuale në zonën “prive” të lokalit. Puka për të mos u zbuluar vetë e kishte lokalin nën emrin e Orkida Gajos, e cila ishte administratorja fiktive. Ndërkohë që menaxherja e vajzave të trafikuara ishte Klodjana Haskasa.
Njoftimi i Prokurorisë:
Në kuadër të hetimeve të Prokurorisë pranë Gjykatës së Shkallës së Parë të Juridiksionit të Përgjithshëm Fier në bashkëpunim me shërbimet e policisë gjyqësore të Drejtorisë Vendore të Policisë, u arrestuan pesë persona, dy shtetase nga Uganda, ‘tutori’ dhe bashkëpunëtorët e tyre për veprat penale “Trafikimi i personave të rritur”, “Mbajtja e lokaleve për prostitucion” kryer në bashkëpunim, “Shfrytëzimi i prostitucionit”, “Veprime që pengojnë zbulimin e së vërtetës” kryer në bashkëpunim, “Prodhimi, mbajtja, blerja apo shitja e armëve të ftohta” kryer në bashkëpunim dhe “Moslëshimi i kuponit tatimor” të parashikuar nga nenet 110/a/2, 115 dhe 25, 114/1 301 dhe 25, 279/2 dhe 25, 180/a/2 dhe 25 të Kodit Penal.
Pas një hetimi proaktiv disa mujor, Prokuroria pranë Gjykatës së Shkallës së Parë të Juridiksionit të Përgjithshëm Fier, dokumentoi veprimtarinë e jashtëligjshme të trafikimit të personave të rritur organizuar nga shtetasi O.P. administruar nga shtetësja K.H.
Vajzat e trafikuara së fundmi ishin nga Uganda, të cilat kishin hyrë në vendin tonë në muajin mars 2024. Ato rekrutohen fillimisht si kërcimtare “strip dance” dhe më pas duke përfituar nga kushtet ekonomike dhe sociale pranonin kryerjen e shërbimeve seksuale në zonën “prive” të lokalit. O.P., duke patur si qëllim të pengojë zbulimin e së vërtetës, gjatë periudhës së hetimeve pasi ka mbyllur për disa kohë lokalin, ka përdorur shtetasen O.G. si qerramarëse dhe administratore fiktive.
Edhe në këtë rast, shtetasi O.P. përdor një person vulnerabël, një vajzë me probleme familjare e sociale. Bashkëpunëtorja e tij K.H. menaxhonte lokalin, vajzat e punësuara ndërsa paratë e fituara ia dorëzonte organizatorit. Gjatë kontrolleve u sekuestruan 611,000 Lekë, shuma parash në monedha të tjera dhe dy doreza përforcuese grushti metalike.
Gjykata e Shkallës së Parë e Juridiksionit të Përgjitshëm Fier miratoi kërkesat e Prokurorit dhe caktoi masat e sigurimit “arrest në burg” për organizatorin O.P. dhe bashkëpunëtoren K.H., “detyrim për t’u paraqitur pranë policisë gjyqësore” për O.G. Për vajzat e huaja u caktua “detyrim për t’u paraqitur pranë policisë gjyqësore” dhe “ndalim i daljes jashtë shtetit”.
j.l./ dita
Në kodin penal shqiptar , si në asnjë vend tjetër demokratik e evropian, prostitucioni , çuditërisht është shkelje ligjore penale , që dënohet me ligj ! Nuk e di qëkur ka mbetur ky nen , por të arrestohen prostitutat dhe klientët e tyre , pse bëjnë sex në mënyrë konsensuale , është një marrëzi e asgjë tjetër . Sigurisht që , në rastin e mësipërm ka shkelje ligjore , sepse prostitutat shfrytëzohen nga agucinët e tyre të cilët po , duhet të përgjigjen para ligjit , ndërsa vajzat duhen liruar menjëherë , po ashtu edhe klientët nëqoftëse janë arrestuar të tillë . Çdo femër mund të bëjë ç’të dojë me trupin e saj e nuk i jep llogari askujt . Në disa vënde evropiane , sidomos atë nordike , prostitucioni është i rregulluar me ligj , si një zanat privat dhe ato që e ushtrojnë paguajnë taksat dhe kanë shtëpi të veçanta , apo me qira , që shteti ka dijeni e i kontrollon . Në disa vende të tjera , policia ndërhyn për ti disiplinuar kur qëndrojnë në një vend apo rrugë dhe prishin himazhin e qytetit , por në asnjë mënyrë nuk mund t’i ndalosh të bëjnë punën e tyre , ndërsa arrestimi apo dënimi i prostitutave dhe klientëve të tyre , është një marrëzi sa një grataçielë , që duhet hequr urgjentisht nga kodi penal .