Një çift bashkëshortësh në Vlorë raportohet se kanë ndërruar jetë pasditen e sotme. Ngjarja e rëndë ndodhi në fshatin Resulaj, viktimat i përkasin familjes Zykaj, por detajet pritet të konfirmohen më tej nga hetimet. Viktimat janë identifikuar si Eqerem dhe Mynyre Zykaj, mbi 50 vjeç, të cilët kanë rënë në kontakt me rrymën elektrike.
Ky është informacioni paraprak, teksa rrethanat dhe detajet mbeten ende të panjohura, pasi hetimet janë ende aktive. Policia vendore bëri me dije se ka dërguar grupin hetimor menjhëherë bashkë me ambulancën, por duket se burrë e grua u gjetën pa shenja jete. Ekspertët pritet të zbardhin shkaqet dhe rrethanat. (Lajmi në përditësim…)
