Një ngjarje tragjike ka ndodhur pasditen e sotme në qytetin e Gramshit. Babai me 2 djemtë e tij të mitur si dhe kushëriri i tyre kanë mbetur të mbytur në liqenin e Hidrocentralit të Banjës në fshatin Drizë të Gramshit.
Pak më parë policia vendore konfirmoi identitetet e viktimave: Konkretisht dyshohet se Arben Zogu, rreth 46 vjeç, Rubens Zogu, 19 vjeç dhe Esti Zogu, 14 vjeç, (babai me dy djemtë) dhe kushëriri i tyre Melis Zogu, 20 vjeç (nipi i Arbenit), janë viktimat. Sipas deklarimeve të familjarëve, ata janë futur në liqen për t’u larë për shkak të vapës, por fatkeqësisht nuk kanë dalë më.
Palombarët e RENEA-s, janë nisur drejt vendit të ngjarjes për të bërë të mundur nxjerrjen e trupave të tyre nga liqeni. Sipas policisë grupi hetimor ka gjetur në buzë të liqenit dy motoçikleta, tre celularë dhe teshat e trupit. paraprakisht dyshohet se ata kanë qenë duke shpëtuar njëri-tjetrin, por pa sukses, teksa fillimisht rrezikuan jetën fëmijët.
