Një aksident tragjik i ka prerë jetën vajzës 24-vjeçare të doktorit Petrit Raka. Rea Raka humbi jetën në autostradën Pejë-Prishtinë, pasi makina në të cilën ndodhej Rea, u përplas me anësoret pranë rrugës në fshatin Komoran, Drenas.
Mediat vendase shkruajnë se Rea ishte vajza e doktorit të njohur, Petrit Raka njëherazi dhe mbesa e Dr. prof. Adil Rakës.
Aksidenti i rëndë ndodhi herët orës 05:30. Rea po kthehej në vendlindjen e saj nga Aeroporti i Tiranës.
Po ashtu tre persona të tjerë që ndodheshin në të njëjtën makinë me Rean, pësuan lëndime trupore, por fatmirësisht thuhet se ndodhen jashtë rrezikut për jetën.
