Sulmi me dronin me tritol që ndodhi në ballkonin e një apartamenti në katin e nëntë të një pallati në Tiranë ende nuk ka autorë ndërsa po bëhet ekspertiza e mbetjeve të dronit, për të rënë në gjurmët e personave që e kanë lëshuar atë.
Po ashtu ende nuk është zbuluar motivi i ngjarjes dhe nuk janë gjetur personat, të cilët banonin në atë banesë që atentatorët i dërguan tritolin me dron.
Sa i përket Elena Arzës që kishte marrë me qira apartamentin në rrugën “Sadik Petrela”, që në fund të korrikut të këtij viti ende nuk është marrë në pyetje, pasi policia nuk ka mundur ta gjejë ndërsa shënjestër e këtij atentati dyshohet se ka qenë vlonjati Benard Sinomati.
Në dëshminë para hetuesve, pronari i banesës ka pohuar se apartamentin ia kishte dhënë më qira një çifti, ndërsa ai vetë nuk kishte asnjë konflikt.
Benard Sinomati dhe Elena Arza dyshohet se lanë larguar nga banesa disa minuta pas shpërthimit.
j.l./ dita
