Presidenti i Shteteve të Bashkuara, Donald Trump, ka deklaruar se Izraeli ka rënë dakord me “kushtet e nevojshme” për të finalizuar një marrëveshje armëpushimi 60-ditore në Rripin e Gazës, shkruan BBC.
“Gjatë kësaj marrëveshjeje të propozuar, do të punojmë me të gjitha palët për t’i dhënë fund luftës”, shkroi Trump në një postim në rrjetin social Truth Social, pa dhënë detaje mbi kushtet specifike të marrëveshjes.
Sipas tij, Katari dhe Egjipti, që kanë luajtur rol kyç në ndërmjetësim, do ta dorëzojnë propozimin përfundimtar tek palët. “Shpresoj që Hamasi ta pranojë këtë marrëveshje, sepse nuk do të ketë një ofertë më të mirë, DO TË SHKOJË VETËM PËRKEQ,” tha Trump.
Ambasadori i Izraelit në OKB, Danny Danon, konfirmoi se Izraeli është “absolutisht” i gatshëm për armëpushim, por mbetet e paqartë nëse Hamasi do të pranojë kushtet e propozuara.
Kjo deklaratë e Trump vjen pak para një takimi të planifikuar për javën e ardhshme me kryeministrin izraelit Benjamin Netanyahu, ku presidenti amerikan ka paralajmëruar se do të jetë “shumë i ashpër”.
“Netanyahu dëshiron t’i japë fund luftimeve në Gaza. Mund t’ju them që ai dëshiron. Besoj se do të kemi një marrëveshje javën që vjen”, shtoi Trump.
j.l./ dita
Super shkerdhate, do ta vendos ne te njejtin nivel krimi Hamasin qe eshte fshehur tuneleve me shtetin kriminel te Izraelit