Presidenti i SHBA-së, Donald Trump, tha se planifikon tu dërgojë letra partnerëve tregtarë brenda një ose dy javëve të ardhshme duke vendosur tarifa të njëanshme, shumë përpara afatit të 9 korrikut për të rivendosur tarifa më të larta në dhjetëra ekonomi.
“Ne do t’u dërgojmë letra brenda rreth një jave e gjysmë, dy javësh vendeve, duke u treguar atyre se cila është marrëveshja. Në një moment, ne thjesht do të dërgojmë letra. Dhe mendoj se e kuptoni që, duke thënë se kjo është marrëveshja, mund ta pranoni ose ta lini”, u tha Trump gazetarëve të mërkurën në Qendrën John F. Kennedy për Artet Performuese në Uashington, ku po ndiqte një shfaqje.
Është e paqartë nëse Trump do ta mbajë premtimin e tij. Presidenti shpesh ka vendosur afate dy-javore për veprim, por këto afate janë shtyrë ose nuk janë realizuar fare. Presidenti tha më 16 maj se do të vendoste tarifa për partnerët tregtarë të SHBA-së brenda dy deri në tre javëve të ardhshme.
j.l./ dita
