Presidenti ukrainas Volodymyr Zelensky tha se kryeministrja e re e Britanisë, Liz Truss, ishte gjithmonë në anën e ndritur të politikës evropiane dhe se Kievi priste me padurim forcimin e bashkëpunimit midis dy vendeve gjatë ditëve të saj në Downing Street.
“Ne e njohim mirë atë në Ukrainë. Ajo ishte gjithmonë në anën e ndritur të politikës evropiane”, tha Zelensky për Truss në një fjalim, pasi lavdëroi paraardhësin e saj Boris Johnson.
“Unë besoj se së bashku do të jemi në gjendje të bëjmë më shumë për mbrojtjen e popullit tonë dhe dështimin e përpjekjeve destruktive të Rusisë”, tha presidenti ukrainas.
Më herët, Boris Johnson pati një telefonatë me Volodymyr Zelensky, në të cilën ai theksoi se ukrainasit mund ta fitojnë luftën kundër pushtuesve rusë. Në të njëjtën kohë, ai e siguroi Zelenskyn se do të qëndronin në kontakt si miq.
a.m/dita
