Ish-zëvendësdrejtori i Përgjithshëm i Agjencisë Kombëtare të Shoqërisë së Informacionit (AKSHI), Daniel Shima, është kthyer pranë familjes pas disa orësh mungesë.
Ai ishte denoncuar i zhdukur pasditen e së mërkurës nga të afërmit.
Në dëshminë e dhënë pas rikthimit, Shima ka sqaruar se ishte larguar drejt jugut të vendit pas një konflikti me partneren e tij. Megjithatë, ai nuk ka ofruar shpjegime të mëtejshme lidhur me mesazhin që i kishte dërguar familjes, ku pretendonte se po arrestohej nga Policia.
Ishte nëna e tij e cila ngriti alarmin në polici dhe bëri denoncim se kishte humbur kontaktet me familjen. Ata u paraqitën në Komisariatin nr. 1 mbi dyshimet se mund të jetë arrestuar, pasi në një komunikim me një njeri të afërt, jo familjar, Shima është shprehur se po e arrestonin.
Nga verifikimet e kryera, rezultoi se nuk kishte asnjë arrest ndaj tij, ndërkohë që policia tha se po punonte për sqarimin e rrethanave të ngjarjes.
Policia e Tiranës thotë se Daniel Shima, ish-zëvendës drejtori i Përgjithshëm i AKSHI-t, është paraqitur në komisariatin nr.1 pasi u raportua i zhdukur nga familjarët. Ai ka dëshmuar se është larguar me dëshirën e tij.
“Në vijim të informacionit të dhënë ditën e djeshme, për kallëzimin e shtetases M. Sh, për humbjen e kontakteve me djalin e tij, shtetasin D. Sh., 34 vjeç, bëjmë me dije se rreth ores 02:00, ky shtetas është paraqitur në Komisariatin e Policise Nr. 1 dhe ka deklaruar se ishte larguar me dëshirën e tij”, njofton Policia.
j.l./ dita
Lajm i turpshem mediatik.Iku apo nuk iku nga shtepija dhe e dadhura,nje kalama me pozite te karte shteterore!?
Nuk me genjen tahminaja mua.Thashe:Kamt e lehta,faqja e bardhe,mos pesosh si Alqi Bllako.Ka tentuar te zhduket na qarkullimi,se eshte ne proces hetimor.Kur e kane zbuluar,eshte ktyer ne shtepi.
Mbajeni nja 3 dite per kallzim te rreme.