Rruga Orikum-Dukat, e cila u hap para afatit të përfundimit të projektit për shkak të sezonit turistik do të mbyllet përsëri.
ARRSH bën me dije se se nga e hëna do të rifillojë puna me shtresat asfaltike në rrugën Orikum-Dukat, çka do të sjellë devijim deri në përfundimin e plotë të aksit, duke përjashtuar vetëm fundjavat.
Trafiku do të devijohet në drejtim të rrugës së vjetër nacioanle Orikum-Llogara.
“Në datën 11.09.2023 ditën e hënë, që herët në mëngjes ky aks do të jetë i mbyllur dhe do të hapet sërish ditën e premte për të lënë akses kalimi gjatë fundjavave. Ky devijim do të bëhet vetëm nga e hëna në të premte dhe do të zgjasë deri në përfundimin e plotë të aksit.
Autoriteti Rrugor Shqiptar së bashku me Policinë Rrugore kanë marrë të gjitha masat për Menaxhimin e Trafikut, kufizimin e vendit ku do të kryhen punimet si dhe për vendosjen esinjalistikës së nevojshme për të orientuar përdoruesit e rrugës. Kërkojmë mirëkuptimin e banorëve dhe përdoruesve të rrugës për këto ndërhyrje që po kryhen në këtë aks deri në përfundimin e plotë të këtij projekti”, thuhet në njoftimin e ARRSH.
Aksi Orikum-Dukat ka shkurtuar ndjeshëm distancën drejt bregdetit, sidomos për qytetarët që zgjedhin bregdetin e jugut për të kaluar pushimet.
