Kryetari në detyrë i Himarës, Jorgo Goro është paraqitur ditën e sotme në SPAK. Ndaj Goros është bërë një kallëzim nga kryetari i zgjedhur i Himarës, Fredi Beleri për manipulim pronash.
Beleri depozitoi në muajin gusht një kallëzim penal ndaj rivalit të tij Jorgo Goro si dhe ndaj ish deputetit socialist, Artan Gaçi.
Beleri në kallëzimit denonconte rastin e një sipërfaqe mbi 5 mijë metra katrorë tokë, të cilat i janë njohur trashëgimtarëve të familjes Mëhilli si pronë, përmes dokumenteve të falsifikuar dhe akteve, sipas tij në shkelje të ligjit, nga ana e Goros dhe zyrës së regjistrimit të pasurive.
Ai pretendon se e gjithë kjo praktikë ka patur si synim që kjo sipërfaqe t’i kalojë ish deputetit socialist Gaçi, i cili e ka blerë më pas atë, duke e përfshirë si pjesë të terrenit ku ai ka nisur të ndërtojë një kompleks turistik në bregdet.
j.l./ dita
