Vendimi për konfirmimin në detyrë të prokurores Mariola Mërtiri do të ankimohet në Kolegjin e Posaçëm të Apelimit.
Kështu ka rekomanduar Operacioni Ndërkombëtar i Monitorimit (ONM) ndërkohë që komisionerët Publikë janë duke shqyrtuar, në të njëjtën kohë, vendimin e Komisionit të Pavarur të Kualifikimit dhe rekomandimin e Operacionit Ndërkombëtar të Monitorimit.
Më 21 dhjetor të vitit të kaluar, në përfundim të seancës dëgjimore përkatëse, Komisioni i Pavarur i Kualifikimit vendosi konfirmimin në detyrë të subjektit të rivlerësimit, Mariola Mërtiri, me detyrë prokurore në Prokurorinë pranë Gjykatës së Rrethit Gjyqësor, Tiranë.
Vendimi nr. 606, datë 21.12.2022, i Komisionit të Pavarur të Kualifikimit, iu njoftua Komisionerëve Publikë më datë 13.2.2023.
m.b./dita
