Krimi Ekonomik ka nisur një hetim në terren në Tiranë, pas raportimeve të furnizimit me ujë të ndotur në zonën e Komunës së Parisit në Tiranë.
Për të hapur këtë hetim, institucioni ka marrë ankesat e disa qytetarëve nga rrjetet socialet, të cilët janë ankuar për cilësinë e ujit gjatë ditëve të fundit, ndërsa problemet kanë ardhur pas çarjes së tubacioneve të nëndheshme të ujit.
Përmes një njoftimi, Krimi Ekonomik Tiranë bënë me dije se janë kryer veprime hetimore dhe procedurale për dokumentimin ku dyshohet se ka ndodhur çarja e tubacionit të nëndheshëm të ujit.
Po ashtu, sipas krimit ekonomik në Tiranë është marr në pyetje edhe Drejtori i Departamentit të Prodhimit dhe Shpërndarjes në Ujësjellës Kanalizime, i cili ka sqaruar se, në rrugën “Shaban Karaj”, si pasojë e amortizimit, është dëmtuar linja e furnizimit me ujë, duke sjellë si pasojë furnizim me turbullira.
j.l./ dita
