Pas vendimit të janarit të Gjykatës Kushtetuese, që konsideroi si joproporcionale kufizimet e vendosura nga qeveria në ligjin për studentët e mjekësisë, Ministria e Arsimit ka propozuar afatet e reja, sipas të cilave studentët e kësaj dege do të detyrohen që të punojnë në sistemin shëndetësor publik në vend.
Ministria e Arsimit propozon uljen e punës së detyruar në institucionet vendore nga pesë në tre vite, për studentët që nisin studimet në vit të parë të mjekësisë në vitin akademik 2024-2025.
Për studentët nga viti i dytë deri në vitin e katërt propozohet ulja e detyrimit për të punuar në vend nga tre në dy vite, ndërsa për studentët e viteve të pesta dhe të gjashta propozohet detyrimi për të punuar në vend në një vit, nga dy vite që ishte në ligjin e rrëzuar pjesërisht nga Gjykata Kushtetuese në janar.
Ligji shkaktoi protesta të studentëve të mjekësisë, që e kundërshtuan deri në Kushtetuese. Sipas Gjykatës, dispozitat e kundërshtuara nga studentët, sjellin kufizim të të drejtave për arsim dhe punësim, por ky kufizim ka ardhur për shkak të interesit publik, për të garantuar kujdes shëndetësor.
Ky institucion e ka cilësuar si joproporcional afatin e vendosur nga Qeveria, për ‘mbajtjen peng’ të diplomës, me kërkesë të punës së detyrueshme për pesë vjet në institucionet shëndetësore vendase.
“Afati pesëvjeçar rezulton më i ashpër sesa nevoja për të përmbushur objektivin legjitim. Duke u nisur nga premisa që afati pesëvjeçar nuk është proporcional, dhe duke marrë në konsideratë eksperiencën e vendeve të tjera, ku ky afat nuk tejkalon gjysmën e kohëzgjatjes së studimeve, u gjykua që të rishikohen edhe afatet e tjera trevjeçare dhe dyvjeçare, të përcaktuara në të njëjtin nen”, thuhet në vendimin e Kushtetueses.
j.l./ dita
“ duke marrë në konsideratë eksperiencën e vendeve të tjera”, thuhet në vendimin e Kushtetutësve! Po të marrësh eksperiencën amerikane, nuk bëhesh mjek me 5 vite, por bëhesh me 12 vite, sepse duhet të bësh praktikë. Amerika e ka zgjidhur çështjen e financimit ndryshe, jo me taksat e taksapaguesve sikur është në Shqipëri. Quhet FAFSA, ku studenti aplikon, duke vendosur edhe të ardhurat financiare familiare të vitit që kaloi. Ky institucion njofton Universitetin ku studenti ka aplikuar se sa mund të mbulohet nga familja. Universiteti, duke marrë parasysh edhe meritat e studentit në vitet e mëparshëme, përcakton grantin e shkollës dhe sa detyrohet që studenti të mbulojnë diferencën. Pra shkurt, gjëndje financiare e studentit dhe sa i zoti është që i jepet granti. Shteti mund të japë kredi me ose pa interesa, por duhen shlyer brënda 6 mujorit të parë të punës së studentit. Po nuk i shleu, aplikohen interesa të rritura. Amerika ka Universitete të mira pikërisht se ka sistemin financiar të kontrolluar dhe jo të paguar nga taksat e të tjerëve dhe të pakontrolluar nga ana cilësore. Si përfundim del që studentët e mjeksisë nuk kanë të drejtë për protestën që bëjnë, sepse janë shkolluar me taksat e të tjerëve dhe duhen shlyer më punë.
Mjekësia,,,
Është Ura që lidhë shëndetin me punën në zhvillim.
Punëtor, Minator & Bujk,,, janë baza e jetës. Kujdesi mjekësor mbanë trupin në gjendje pune.
Në mjekësi punojnë ata japin besën & e mbajnë. ♥ .
Jemi popull modest & bujar.
Respekt për mjekësinë.