Urdhri i Stomatologëve të Shqipërisë ka njoftuar se deri në datën 8 tetor nuk do të ofrojnë asnjë shërbim. Kjo sepse, sipas një postimi të tyre në Facebook, persona të paautorizuar kanë zaptuar me forcë dhe në mënyrë të paligjshme zyrat e tyre.
Në reagimin e tyre, thuhet se Urdhri i Stomatologëve i është drejtuar organeve kompetente, por nuk japin detaje specifike se çfarë ka ndodhur.
POSTIMI I PLOTË:
Urdhri i Stomatologëve të Shqipërisë njofton se nga data 02.10.2024 – 08.10.2024 nuk do të ofrohet asnjë shërbim për anëtarët e Urdhrit. Persona të paautorizuar, kanë zaptuar me forcë dhe në mënyrë të paligjshme zyrat e USSH në datën 01.10.2024.
Urdhri i Stomatologëve të Shqipërisë ka marrë të gjitha masat dhe i ka denoncuar këto veprimet antiligjore në organet kompetente, të cilat kanë filluar procedurat përkatëse. Ju lutemi të mos dorëzoni dokumente pranë zyrave qendrore të Urdhrit në periudhën kohore të sipërpërmendur, pasi nuk po adresohen tek personat përgjegjës. Ju falënderojmë për mirëkuptimin.
i.b./dita
