Ai po shkëlqen kudo që shkon. Nga Greqia në Hungari dhe tani në Spanjë. Myrto Uzuni shpërtheu këtë sezon në La Liga 2 të Spanjës, edhe pse kategori më inferiore. Me 21 gola në 33 ndeshje, beratasi prin listën e golashënuesve duke udhëhequr Granadën drejt rikthimit në La Liga. Tanimë sulmuesi i Shqipërisë është në gjurmët e shumë klubeve, me Sevillan që është bashkuar në garë për të marrë shërbimet e Uzunit. Sevilla shpreson me ngulm që te Granada të ngjitet sezonin e ri në La Liga, me klauzolën e Uzunit që është 12 milionë euro nëse ekipi luan në elitë. Në rast se Granada nuk ngjitet në La Liga, klauzola e Uzunit është 25 milionë euro, me Sevillan që kërkon të ulë sa më shumë çmimin e 27-vjeçarit. Me kontratë deri në verën e 2026, Uzuni u bashkua me Granadan në janarin e 2022 nga Ferencvaros, me spanjollët që paguan katër milionë euro. Me 29 paraqitje te Kombëtarja, Uzuni ka shënuar pesë gola.
Kerko
