Kryetari i Bashkisë së Tiranës, Erion Veliaj, ka pritur në një takim Robert Gorelick, ish shefin e CIA-s në Itali dhe vende të tjera të botës, i cili ka vizituar për herë të parë kryeqytetin shqiptar. Në një postim në platformën X, Veliaj shprehet i lumtur për bisedën që ka zhvilluar me Gorelick, sidomos për idetë se si Tirana mund të jetë një qytet më i sigurtë.
“I lumtur që prita Robert Gorelick në vizitën e tij të parë në Tiranë – dikur i pavizitueshëm nga asnjë vend i huaj, sot është kryeqyteti më i gjallë i shqiptarëve dhe i Ballkanit Perëndimor! Ishte kënaqësi të bisedoja për tema të luftës e ftohtës dhe çështje aktuale, si dhe rrahëm disa ide se si Tirana mund të jetë qyteti më i sigurtë në Europë!”, shkruan ai.
Loved hosting Robert Gorelick on his first visit to Tirana – once impenetrable from any foreign entity, it’s now the bustling capital of Albanians and the Western Balkans!
Truly enjoyed talking cold war and current affairs, as well as brainstorm ways to make Tirana the safest… pic.twitter.com/vYlejMYmRD
— Erion Veliaj #B40Presidency 🇪🇺🇦🇱 (@erionveliaj) June 26, 2024
