Detaje të reja kanë dalë në lidhje me megaoperacionin e SPAK, ku u godit një rrjet kriminal droge që merrej dhe me pastrim parash.
Burime nga hetimi bëjnë me dije se mes personave ndaj të cilëve është caktuar masë sigurie është edhe biznesmeni Edmond Jaupi, për të cilin është vendosur masa “arrest në shtëpi”.
Jaupi rezulton të jetë vëllai i Elidiana Çelajt, aktualisht drejtore e Agjencisë Kombëtare të Ujësjellës-Kanalizimeve (AKUK).
Më herët, Çelaj ka mbajtur detyrën e drejtoreshës së bizneseve VIP pranë Drejtorisë së Tatimeve.
Në kuadër të këtij operacioni, SPAK ka lëshuar gjithsej 20 masa sigurie, konkretisht 15 masa “arrest me burg” dhe 5 masa “arrest në shtëpi”.
Personat në fjalë dyshohen si pjesë e një rrjeti kriminal të përfshirë në trafik droge dhe pastrim të produkteve të veprës penale.
