Kosova nuk duhet të ndërmarrë asnjë hap të mëtejshëm për të ndërhyrë me dhunë në ndërtesat komunale në veri të vendit. Kështu thuhet në deklaratën e përbashkët të Vendeve të QUINT-it të cilët kanë kërkuar të mos ketë një tjetër përplasje mes forcave të policisë dhe qytetarëve serbë.
“Në këtë kontekst, QUINT-i dhe BE-ja presin që Qeveria e Kosovës nuk do të ndërmarrë asnjë masë të re për hyrje me forcë në ndërtesat e Komunës së Leposaviqit, Zubin Potokut dhe Zveçanit. Kryetarët e zgjedhur duhet po ashtu të tregojnë përmbajtje dhe të ndërmarrin veprime të menjëhershme për të treguar përkushtimin e tyre dhe përgjegjësinë për të përfaqësuar dhe për t’iu shërbyer të gjithë anëtarëve të komuniteteve të tyre”, thuhet në deklaratën e përbashkët të Shteteve të Bashkuara, Francës, Gjermanisë, Italisë, Mbretërisë së Bashkuar dhe Bashkimit Evropian.
m.b/dita
