Seria A do të publikojë regjistrimet e bisedave mes gjyqtarëve dhe VAR-it në fillim të sezonit të ardhshëm.
Lajmin e konfirmoi dje Gianluca Rocchi, përgjegjës për arbitrazhin në futbollin italian. Audiot do të publikohen në kanalin që ka të drejtën e transmetimit të ndeshjeve.
“Ne filluam një projekt inovativ me DAZN dhe do të jemi federata e parë e futbollit në Europë që do të transmetojmë audio të dukurive që janë objekt diskutimi”, tha Rocchi.
Më tej ai theksoi: “Problemi nuk është nëse është bërë një gabim, por pse? Zgjidhja është që të kemi një hapësirë të dedikuar çdo 15 ditë, ose një herë në muaj, ku mund të shpjegojmë incidentet.”
j.l./ dita
