Verona mbetet në elitë, Spezia në Serinë B. Ky është verdikti që dha sfida e drejtpërdrejtë mes dy skuadrave që e mbyllën sezonin e rregullt të Serisë A në kuotë të barabartë pikësh (31), respektivisht në vendet 18 dhe 17.
Përplasja e zhvilluar në “Mapei” u fitua nga Verona me rezultatin 3-1.
Faraoni dhe Ngonge, i cili shënoi dygolësh (26′ dhe 38′) dhe Montipò, i cili priti një penallti të ekzekutuar nga Nzola në minutën e 70′, vendosën ndeshjen. Nuk mjaftoi për Spezian goli i barazimit të përkohshëm 1-1 i shënuar nga Faraoni (Ampadu 15’).
Formacioni i Semplicit, pra, zbret në B. Me shpëtimin e Veronës dhe promovimin e Cagliarit (fitoi 0-1 në ndeshjen e dytë përballë Barit, në Sa Nicola, në prani të 58 mijë tifozëve), kompletohet fotografia e skuadrave që do të luajnë në Serinë A në sezonin 2023/24: Atalanta, Bologna, Cagliari, Empoli, Fiorentina, Frosinone, Genoa, Hellas Verona, Inter, Juventus, Lazio, Lecce, Milan, Monza, Napoli, Roma, Salernitana, Sassuolo, Torino, Udinese.
