Për herë të parë, Victoria Beckham ka folur për tradhtinë e supozuar të bashkëshortit të saj David Beckham. Në vitin 2003 David u transferua në Spanjë për të luajtur për Real Madridin, ndërsa Victoria mbeti në Mbretërinë e Bashkuar me fëmijët e saj Brooklyn dhe Romeo. Dhe në atë kohë u përfol shumë për faktin se futbollisti kishte pasur lidhje jashtëmartesore.
Sot vetë çifti foli për këtë tradhti të mundshme në serialin e ri dokumentar të Netflix, “Beckham”. Edhe pse çifti nuk i përmend asnjëherë emrat e femrave me të cilat futbollisti dyshohet se tradhtoi gruan e tij, Rebecca Loos dhe Sarah Marbeck në të kaluarën kanë pohuar vazhdimisht se kanë pasur një lidhje me Davidin.
Victoria Beckham, e cila u martua me ish-futbollistin në korrik 1999, pranoi se ishte “veçanërisht e inatosur” ndaj Davidit pas akuzave për tradhti.
Kjo, për ish-Spice Girls, ishte një “periudhë vërtet e vështirë” . “Ishte momenti më i palumtur që kam përjetuar ndonjëherë në gjithë jetën time”, tha Victoria.
Në dokumentarin e Netflix, ish-ylli i Manchester United pranoi se nuk e dinte se si çifti arriti të kapërcejë thashethemet e tradhtisë, por ai e dinte se ata do të duhej të “luftonin për familjen e tyre” së bashku.
Duke komentuar muajt pas pretendimeve të tradhtisë, të cilat, në atë kohë, ai i përshkroi si “qesharake”, David Beckham tha: ” Viktoria është gjithçka për mua, duke parë lëndimin e saj ishte tepër e vështirë, por ne jemi luftëtarë dhe në atë moment duhet të luftonim për njëri-tjetrin dhe për familjen tonë.”
Thashethemet për tradhti e shtynë Victoria-n të transferohej në Madrid për të qenë më afër burrit të saj.
“Sapo fëmijët u pranuan në një shkollë në Madrid, ne u transferuam atje me kohë të plotë. A u ndjeva e inatosur për gjithë këtë? Nëse jam plotësisht e sinqertë, po, e kam bërë”, tha ajo.
“Ishte periudha më e vështirë, sepse dukej sikur bota ishte kundër nesh ”, shtoi ish-këngëtarja.
