Këngëtari i njohur i muzikës popullore shqiptare e veçanërisht asaj labe, Ylli Baka ka publikuar një videoklip dedikuar poetit Arben Duka.
Kënga titullohet Thesari i Gjuhës Shqipe.
Teksti i kësaj kënge i dedikohet i gjithi poetit, i cili ndërroi jetë në dhjetor të vitit 2021.
Duka, i njohur për vargjet e tij dhe një nga bashkëpunëtorët e ngushtë të gazetës DITA, la pas një larmishmëri veprash, librash dhe kujtimesh.
Videoklipi është realizuar në shtëpinë e Dukës dhe në të shfaqet dhe bashkëshortja e Arbenit, Pranvera.
Ylli Baka dhe Arben Duka ishin miq prej vitesh. Këtë, Baka e ka shprehur nëpër intervista por edhe në mesazhin që i ka bashkëngjitur këngës.
“Kjo kenge i dedikohet poetit te madh Arben Duka! Miqte edhe shoket e tu kurre nuk do te harrojne. Fjale te ndjera nga shpirti per ty miku im. Do te mbetesh perjete Thesari i Gjuhes Shqipe”, shkruan ai teksa ka publikuar këngën dedikuar Dukës.
Ku t’i gjej fjalët e tua,
T’i bëj këngë për t’i kënduar.
Si s’t’u lodhën ato duar
O thesar, o gur i çmuar.
O moj nëna lunxhiote,
Për Arbenin tonë që rrite,
Mbi një djep me ligjërime,
Penë e artë e gjuhës shqipe.
Sa e doje ti natyrën
Pranverë o, me lule shumë.
Edhe zogjtë për ty vajtojnë,
O poet sa na mungon.
O moj nëna lunxhiote,
Për Arbenin tonë që rrite,
Mbi një djep me ligjërime,
Penë e artë e gjuhës shqipe.
j.l./ dita
