Pamjet dhe fotot nga disa vende në Spanjë, mbi të gjitha nga Valencia dhe rrethinat e saj, kanë marrë vëmendjen e rrjetit këto ditë.
Mbi 200 njerëz kanë humbur jetën në përmbytjet e shkaktuara nga reshjet e dendura të shiut dhe disa pjesë të qytetit dhe rrethinave të tij nuk i ngjajnë më vendit ku jetonin dikur njerëzit.
Në rrjetet sociale është publikuar edhe një video nga Paiporta, komunë që gjendet në provincën e Valencias.
Në video shfaqen vetura që ende lëvizin në rrugë, por shumë shpejt pas kësaj, një sasi e madhe uji fillon të vërshojë rrugët, duke i detyruar shoferët të ndalojnë.
Në vetëm pak sekonda, rrugët u zhytën plotësisht në ujin me baltë dhe disa mjete filluan të lundronin.
Në sfond dëgjoheshin sirenat e shërbimeve të ndryshme të shpëtimit.
i.b./dita
Dicka e cuditshme me kete foto. Uji i ka vertitur makinat sikur jane varka lundruese, e jo gjera me peshe 2 apo 3 ton. Po c’fare duket me e cuditshme, eshte fakti se ne asnje makine nga ato qe duken, nuk shikon nje xham te thyer.