Një zjarr masiv ka përfshirë kodrat mbi fshatin bregdetar të Lukovës dhe fshatrat Sasaj e Shën Vasil në Himarë. Fshati Kalasë dhe të paktën dy fshatra të tjerë të Delvinës janë gjithashtu të rrezikuar.
Flakët janë parë qartë mbrëmjen e sotme, duke ndriçuar qiellin në ngjyrë të kuqe dhe duke krijuar panik mes banorëve.
Burime nga vendi raportojnë se zjarri ka shpërthyer tashmë në pjesën e sipërme të malit mbi Lukovë dhe nën ndikimin e erës është përhapur në drejtim të ullishtave dhe zonave të pyllëzuara.
Mungesa e ndërhyrjes ajrore dhe terreni i vështirë malor e bën të pamundur ndërhyrjen efektive nga toka. Banorët janë të shqetësuar për përhapjen e mëtejshme të zjarrit gjatë natës.
Nuk raportohet për të lënduar deri tani, por situata mbetet kritike. Autoritetet lokale kanë bërë thirrje për ndihmë emergjente dhe koordinim të shpejtë me strukturat e mbrojtjes nga zjarri.
Video: Pamje nga zjarri mbi Lukovaëë, mbrëmja e 27 korrikut, dërguar nga një banor lokal. Foto kryesore: Zjarri në malet e Himarës fotografuar nga deti
