Një situatë e pazakontë u regjistrua paraditen e sotme në plazhin publik të Sarandës, ku një makinë e ngarkuar me rërë hyri në zonën e plazhit në orën 11:00, në kulmin e frekuentimit nga turistët vendas dhe të huaj. Mjeti po kryente shkarkimin e një sasie të konsiderueshme rëre, duke e kthyer pushimin në një përvojë të bezdisshme për vizitorët që tashmë kanë nisur sezonin turistik.
Në një moment kur plazhi ishte i mbushur me pushues që kishin zënë vend në rërë, makina hyri papritur pranë vijës bregdetare, duke shkaktuar jo vetëm zhurmë dhe pluhur, por edhe ndjesinë e pasigurisë për ata që ndodheshin pranë.
“E pabesueshme! Ishim shtrirë në rërë, duke shijuar ditën, kur papritur na afrohet kjo makinë me rërë. Askush nuk na paralajmëroi. Në një vend turistik, kjo nuk duhet të ndodhë,” tha një çift turistësh nga Polonia, të cilët thanë se nuk kishin përjetuar kurrë diçka të ngjashme në vende të tjera bregdetare.
Pamjet nga vendngjarja tregojnë makinën duke manovruar mes pushuesve të shtrirë në rërë, disa prej të cilëve u detyruan të largoheshin për të shmangur kontaktin me rërën e freskët dhe pluhurin që u ngrit në ajër.
Pushuesit kërkojnë nga Bashkia që çdo ndërhyrje e këtij lloji të bëhet jashtë orareve të pikut turistik, herët në mëngjes ose pas perëndimit, për të ruajtur jo vetëm rehatinë, por edhe sigurinë në plazh.
j.l./ dita
Cfare sezoni turistik.Moti eshte i ftohte,S`kemi hequr xhupat e dimrit,.Se i hahen kumbllat e tharta turistave,,Cfare faji ka kamionisti?Do beje punen per Sezonin Turistik.Nuk do vije naten turni trete!!!!!!!!!!!!!Ay ne Itali e shtypi fare .
Po behuni njerez dhe zbatoni rregullat. Mire shoferi, pa e offenduar, vetem timonin di, ndonje inxhjer apo pronari perse nuk sigurojne,/rrethojne perimietrin perpara se te filloj ndonje ndertim. Vendosni more tablet te kuptoj dhe turisti cfare po behet.
Do ta kete derguar makinen, ndonje nga ata qe marin 50 mije leke per nje shezlong. E kane kthyer plazhin ne prone private. I gjati te themeloj urgjent, Akademine e Plazhit.
Phoenix, do ishte gjeja me e mire te themelohej Akademia e Plazhit ! Ja psh ; Akademia e Barinjve po e jep efektin e vet !