Lufta midis Rusisë dhe Ukrainës është transferuar edhe mes dy delegacioneve në Asamblenë Parlamentare të Bashkëpunimit Ekonomik të Detit të Zi (PABSEC).
Gjithçka nisi kur deputeti ukrainas, Oleksandr Marikovski, shpalosi flamurin kombëtar të Ukrainës pas një anëtareje të delegacionit rus, Olga Timofeeva në një konferencë për mediat.
Mirëpo, përgjigjja nuk vonoi. Një anëtar i ekipit rus, i quajtur Valery Stavitsky, e hoqi me shpejtësi flamurin e vendosur nga Marikovski.
Kaq mjaftoi dhe mes tyre ka shpërthyer sherri me shpulla dhe grushte.
Më pas disa persona të tjerë u futën për të shuar sherrin, ndërsa Marikovski mori disa lëndime në fytyrë dhe për pasojë është dërguar në spital.
Ky është incidenti i dytë i ndodhur mes delegacioneve në Asamblenë Parlamentare të Bashkëpunimit Ekonomik të Detit të Zi (PABSEC).
Gjithçka nisi kur një anëtar i parlamentit të Ukrainës tentoi të ndërpriste fjalën e anëtares ruse, e cila mbante në kostum një simbol të të ashtuquajturit “operacion special”.
Deputeti ukrainas iu afruar Ola Timofeevës dhe tentoi të shpaloste pas saj flamurin verdheblu, por u ndalua nga anëtarët e tjerë të delegacionit, duke shtyrë me forcë njëri-tjetrin.
Më pas, drejtuesi i seancës vendosi të ndërpresë punimet e samitit dhe të marrë masa ndaj personave të përfshirë në konflikt.
j.l./ dita
