Një sulm i përgjakshëm u regjistrua pasditen e kësaj të marte në Orebro të Suedisë, ku si pasojë deri më tani janë raportuar 10 persona që kanë humbur jetën nga një sulm me armë.
Të shtënat ndodhën në periferi të qytetit Orebro, që gjendet rreth 200 kilometra në perëndim të Stokholmit.
Shkolla, e quajtur Risbergska, ka studentë mbi moshën 20-vjeçare, sipas ueb-faqes të këtij institucioni arsimor. Kjo shkollë ofron kurse të shkollës fillore dhe të mesme, kurse për gjuhën suedeze për emigrantët, trajnime profesionale dhe programe për personat me aftësi të kufizuara intelektuale.
Ata gjithashtu thanë se autori ka vepruar i vetëm, por ende nuk dihet motivi i sulmit.
Policia tha se deri më tani nuk ka dyshime se ky rast është i lidhur me terrorizëm.
Teksa autoritetet po punojnë për zbardhjen e plotë të kësaj ngjarjeje, në rrjetet sociale si dhe mediat suedeze janë publikuar pamjet e makthit me të cilin dhjetëra persona u detyruan që të përballen.
🚨Breaking – Sweden
5 People Shot including a Police Officer at School in Orebro, Sweden
This comes days after Swedish Prime Minister admits “they have lost control’
Police are saying ‘the danger is still not over.’ 🚨 pic.twitter.com/U9xK7zyx8o
— I Stand With Israel. (@martinsengland) February 4, 2025
Agjencia suedeze e lajmeve, TT, është shprehur se autori i sulmit dyshohet të ketë vrarë veten, teksa nuk ka konfirmuar burimet e tyre.
Shefi i qarkut të policisë Orebro është shprehur se janë në procesin e identifikimit të kufomave, ndërsa nuk jep më shumë detaje rreth tyre.
Nga kontrollimet e deritanishme autoritetet nuk kanë një numër të saktë të plagosurve, teksa spitali i qytetit është në gjendje emergjence, ku katër persona janë futur në sallën e operimit pas plagëve të rënda në trup.
Policia i mbajti të mbyllur për disa orë nxënësit e shkollave aty pranë, pasi kishte dyshime që autori krimit mund të kishte bashkëpuntorë, por nuk rezultoi ashtu.
Situata nga dhuna në Oredro, një qytet me 155 mijë banorë, është përkeqësuar relativisht shumë gjatë viteve të fundit, pasi raste të tilla janë përsëritëse. Fatkeqësisht këtë herë pati edhe viktima.
j.l./ dita
