Një përleshje masive mes gjimnazistëve të “Sami Frashërit” ka ndodhur jashtë ambienteve të shkollës pas përfundimit të mësimit, këtë të hënë.
Sipas dëshmitarëve, adoleshentët janë përplasur fizikisht dhe kanë përdorur sende të forta gjatë konfliktit. Në pamjet e siguruara nga vendngjarja, njëri prej tyre shihet duke goditur bashkëmoshatarët me barrierat e parkimit.
Forcat e policisë kanë ndërhyrë menjëherë dhe deri më tani kanë shoqëruar gjashtë persona të përfshirë në sherr. Autoritetet po hetojnë shkaqet e konfliktit dhe po vijojnë punën për të identifikuar të gjithë të përfshirët.
