iket zjarri në tregun e rrobave të përdoruara në “5 Maji” tek ish-uzina Dinamo në kryeqytet.
Nga burimet paraprake mësohet se pas katër orësh mes flakëve mund të ketë sërish riaktivizime vatrash.
Në vendngjarje vijojnë të qëndrojnë dy automjete zjarrfikëse në gatishmëri për situata emergjente.
Prefekti i Tiranës, Afrim Qendro, ka deklaruar dje se zjarri në zonën e ish-Uzinës Dinamo, te tregu i 5 Majit ishte masiv dhe përfshiu një magazinë të madhe ku operojnë disa biznese.
Në vendngjarje janë angazhuar 11 mjete zjarrfikëse, rreth 60 efektivë, si dhe i gjithë efektivi i zjarrfikësve të Tiranës dhe Kamzës. Po ashtu, u angazhuan forca dhe mjete ndihmëse nga Elbasani, Vora dhe ushtria, ndërsa botet e ujit të Bashkisë siguruan furnizimin me ujë.
Sipas tij, në magazina ndodheshin rroba dhe materiale të tjera jo të rrezikshme, nuk ka persona të lënduar.
j.l./ dita
