Një avion me 72 persona në bord është rrëzuar pranë një aeroporti në Nepalin qendror, ndërkohë që deri më tani nuk raportohet për të mbijetuar. Avioni i Yeti Airlines nga Kamandu u rrëzua ditën e djeshme pasi shpërtheu në flakë.
Në bord kishte 68 pasagjerë, përfshirë 15 shtetas të huaj si dhe katër anëtarë të ekuipazhit. Rreth 200 ushtarë nga Nepali morën pjesë në operacionin e kërkim shpëtimit në grykën e lumit Seti vetëm 1 km e gjysmë pranë aeroportit.
Kryeministri Pushpa Kamal Dahal thirri një mbledhje urgjente të kabinetit të tij dhe u kërkoi agjencive shtetërore të punojnë në operacionet e shpëtimit.
Nga pasagjerët, 53 thuhet se janë nepalezë. Në aeroplan ishin pesë indianë, katër rusë dhe dy koreanë. Ndërkohë dyshohet se ka pasur pasagjerë edhe nga Irlanda, Australia, Argjentina dhe Franca.
Video of what seems to be moments before the crash of Yeti Airlines🇳🇵 ATR72 carrying 72 passengers near Pokhara Airport#aerowanderer #aviation #avgeek #nepal #yetiairlines pic.twitter.com/hk12Edlvpf
— Aerowanderer (@aerowanderer) January 15, 2023
“Ne presim të marrim më shumë trupa. Aeroplani u copëtua”, tha zëdhënësi i ushtrisë Krishna Bandari për agjencinë e lajmeve Reuters.
Video of what seems to be moments before the crash of Yeti Airlines🇳🇵 ATR72 carrying 72 passengers near Pokhara Airport#aerowanderer #aviation #avgeek #nepal #yetiairlines pic.twitter.com/hk12Edlvpf
— Aerowanderer (@aerowanderer) January 15, 2023
j.l./ dita
