Dhjetëra shtëpia dhe makina janë djegur si pasojë e disa vatrave të mëdha të zjarrit që kanë përfshirë rajonin e Shibenikut në Kroaci.
Situata është tepër e rrezikshme dhe autoritetet kanë urdhëruar dhe evakuimin e qindra banorëve që janë pranë vatrave.
Flakët u përhapën me shpejtësi, të ndihmuara dhe nga era dhe temperaturat e larta që kanë përfshirë zonën prej disa ditësh.
Qindra zjarrfikës janë angazhuar për shuarjen e zjarreve, ndërkohë që janë angazhuar dhe helikopterët dhe avionët e posaçëm.
Sipas raportimeve të mediave vendase, disa turistë kanë qenë në zonë, por deri më tani nuk raportohet për të lënduar.
Shkaqet e zjarrit janë ende të paqarta, teksa autoritetet kanë nisur hetimet.
j.l./ dita
