Mbrëmja e kaluar u kthye në gjendje të jashtëzakonshme në Pejë për shkak të motit të keq.
Uji vërshoi me shpejtësi nëpër rrugët e qytetit.
Një grua dhe djali i saj 5-vjeçar humbën jetën si pasojë e vërshimeve të ujërave.
Policia konfirmoi se pas vdekjes së 5-vjeçarit, në lagjen “Asllan Qeshme”, u gjet e vdekur edhe nëna e tij, e cila ishte shpallur e zhdukur.
Vdekja e 5-vjeçarit dhe e nënës së tij u konstatuan nga Spitali i Pejës.
“Drejtoria Rajonale e Policisë Pejё, njofton se me datё 24.06.2023 si pasojё e vërshimeve nё qytetin e Pejёs, nё lagjen “Asllan qeshme” njё fëmija ka humbur jetën ndërsa nëna e tij ёshtё e zhdukur. Pas kërkimeve nga njësitet Policore rreth orё 01:20, tё datës 25.06.2023, ёshtё gjetur personi i zhdukur femër , vdekjen e viktimës e ka konstatuar ekipi mjekësor”, thuhet në komunikatë.
Gjithashtu edhe në lagjen “Fidanishte” dy persona u dërguan për trajtim mjekësor pasi pësun lëndime nga vërshimet e ujërave.
Nuk dihen ende dëmet e shkaktuara, por nga shumë video në rrjetet sociale duket që uji ka depërtuar edhe nëpër dyqane.
j.l./ dita
