Një zjarr ka marrë përmasa të mëdha në fshatrat Vergo dhe Palavli të Delvinës, ku flakët raportohet se kanë djegur disa banesa dhe i janë afruar rrugës nacionale.
Zjarri në Delvinë vazhdon prej disa ditësh, ku dëme të mëdha ka shkaktuar edhe në fshatin Senicë, ku u dogj kisha shekullore e Shën Dhimtrit dhe 4 banesa.
Ministria e Mbrojtjes, përmes strukturave të Mbrojtjes Civile, ka urdhëruar evakuimin e menjëhershëm të banorëve në fshatrat Palavli, Vergo dhe Kopaçëz, në Bashkinë Delvinë, për shkak të rrezikut nga zjarret.
U bëhet thirrje të gjithë banorëve të respektojnë udhëzimet e emergjencave civile dhe të bashkëpunojnë me forcat e Policisë dhe autoritetet vendore, të cilat janë angazhuar për mbrojtjen e jetës dhe pronës së tyre.
Aktualisht, në operacion janë përfshirë edhe dy helikopterë të Forcës Ajrore, të cilët po veprojnë në zonën e Delvinës, ndërsa dy të tjerë janë angazhuar në operacionet ajrore në qarkun Berat-Dimal.
Ministria e Mbrojtjes ka shpërndarë pamjet kur evakuohen, me ndihmën e punonjësve të emergjencave civile, personat e moshuar.
j.l./ dita
O legena,të qeverisë,policisë,SHIK E PUSHTETIT LOKAL.!
Pse nuk i gjeni autorët,asnjë absolutisht.Shikoni mor të gjore,se këto katadtrofa,kanë vetëm një nxitës apo organizator,SALI KRIMINEL BERISHËN.Analizoni daljet e fundit të ti në tv.Atij badtardi fhe usharëve të pakët të ti,veyëm zjarret e djegia e Dhqipërisë,i ka mbetur.
Cfare beni keshtu shoke zjarrvenes,se ja dhjete Turizmin kryeministrit! Ate Ekonomi ka Shteti.Export droge,Import Turista.