Një person i seksit mashkull rreth të 40-ve, ka qenë protagonist i një konflikti me një femër ende të paidentifikuar në zonën e Bllokut në Tiranë, sot rreth orës 15.00
Fillimisht nga banorët dhe kalimtarët e rastit janë dëgjuar ulërima përballë lokalit Bardhezi në rrugën Sami Frashëri pranë sheshit Uillson.
Personi femër më pas është parë të futet brenda një makine të parkuar ku mbylli veten, ndërsa agresori i nervozuar ka tentuar ta nxjerrë me forcë nga makina.
Fillimisht kanë ndërhyrë dy punonjës policie që ishin afër ngjarjes. Ata e ndaluan burrin, por ai ka bërë rezistencë dhe është konfliktuar edhe me policët.
Më pas në vendngjarje kanë mbërritur tre makina policie, nga drejtime të ndryshme, një prej të cilave ka arrestuar dhe marrë me vete personin në fjalë.
Ende nuk ka detaje mbi identitetin e dy personave të konfliktuar dhe nëse ata njihen apo janë të afërt me njëri-tjetrin.
VIDEO 1 – Ndërhyrja e dy policëve në vendngjarje:
https://www.youtube.com/shorts/ztkeJaCiK9I
VIDEO 2: Ndalimi i agresorit
https://www.youtube.com/shorts/2QilaJyEHQI
p.c. /dita
