Një zjarr i përmasave të mëdha ka përfshirë pasditen e sotme Pyllin e Sodës në Vlorë, duke krijuar një re të dendur tymi që ka mbuluar një pjesë të mirë të qytetit.
Vatra e zjarrit ka rënë brenda pyllit me pisha, pranë vijës hekurudhore në zonën e Zvërnecit, ndërsa tymi është i dukshëm nga disa lagje të Vlorës.
Menjëherë pas sinjalizimit, drejt zonës janë nisur forcat e Policisë dhe shërbimet zjarrfikëse, të cilat po punojnë për izolimin dhe shuarjen e flakëve.
Sipas të dhënave paraprake, situata paraqitet e vështirë për shkak të përhapjes së zjarrit në një zonë me bimësi të dendur dhe erës që favorizon avancimin e flakëve.
Aktualisht ne Vlorë janë aktive pesë vatra zjarri njëkohësisht, çka ka vështirësuar ndarjen e forcave në terren.
Përveç zjarrit në Pyllin e Sodës, ndërhyrje po kryhen edhe në Dukat, pranë tunelit të Llogarasë, në zonën e Parkut të Mallrave dhe në Triport.
Deri në këto momente nuk dihen shkaqet e rënies së zjarrit dhe as sipërfaqja e përfshirë nga flakët, ndërsa autoritetet vijojnë operacionin për vënien e situatës nën kontroll.
@zeri_al Një zjarr i përmasave të mëdha ka përfshirë Pyllin e Sodës në Vlorë, duke krijuar një re të dendur tymi që ka mbuluar një pjesë të qytetit. Sipas informacioneve paraprake, flakët kanë shpërthyer në pyllin me pisha pranë vijës hekurudhore në zonën e Zvërnecit. Tymi është i dukshëm nga disa lagje të Vlorës, ndërsa situata paraqitet shqetësuese për shkak të përhapjes së shpejtë të zjarrit. Menjëherë pas sinjalizimit, në vendngjarje kanë mbërritur uniformat blu dhe shërbimet zjarrfikëse, të cilat po punojnë për izolimin dhe shuarjen e flakëve. Terreni me bimësi të dendur, si edhe era e fortë, po e vështirësojnë ndërhyrjen e tyre. Burime nga shërbimi zjarrfikës bëjnë me dije se aktualisht në Vlorë janë aktive pesë vatra zjarri njëkohësisht, çka ka vështirësuar angazhimin e forcave në terren. Përveç zjarrit në Pyllin e Sodës, ndërhyrje po kryhen edhe në Dukat, pranë tunelit të Llogarasë, në zonën e Parkut të Mallrave dhe në Triport. Deri në këto momente nuk dihen shkaqet e rënies së zjarrit, ndërsa sipërfaqja e përfshirë nga flakët mbetet ende e paqartë. Autoritetet vijojnë operacionin për vendosjen e situatës nën kontroll. #zeri #zerimedia ♬ original sound – ZËRI
j.l./ dita
