Shtetet e Bashkuara u bënë thirrje Kosovës dhe Serbisë të zgjedhin rrugën e bisedimeve dhe të përmbahen nga veprimet që do të çonin në dhunë dhe përplasje.
Një zëdhënës i ambasadës amerikanë në Prishtinë tha të dielën se Shtetet e Bashkuara pajtohen me Bashkimin Evropian se zhvillimet e fundit rreth marrëdhënieve ndërmjet Kosovës dhe Serbisë janë shqetësuese dhe vënë në rrezik paparimin e rëndësishëm të arritur në bisedimet e lehtësuara nga BE-ja.
“Tërheqja e serbëve të Kosovës nga institucionet e Kosovës nuk është zgjidhje e mosmarrëveshjeve aktuale dhe ka mundësi për të përshkallëzuar më tej tensionet në terren. Të gjitha palët e përfshira duhet të ndërmarrin hapa për të ulur tensionet dhe për të siguruar paqen dhe qëndrueshmërinë në Veprimet dhe retorika që rrisin mundësinë e dhunës vënë në rrezik të panevojshëm jetët e pafajshëm dhe ato të forcave paqeruajtëse ndërkombëtare në terren”, tha zëdhënësi.
Së këndejmi, tha ai, Shtetet e Bashkuara i bashkohen BE-së duke u bërë thirrje përfaqësuesve të Serbisë dhe serbëve të Kosovës që të respektojnë detyrimet e tyre të dala nga bisedimet të kthehen në institucionet e Kosovës për të përmbushur detyrat e tyre, duke përfshirë policinë, gjyqësorin dhe administratën lokale.
Në të njëjtën kohë, “ne përsëri i bashkohemi BE-së në thirrjet për t’u kërkuar autoriteteve të Kosovës që të respektojnë detyrimet e tyre pa vonesë. Kjo nënkupton zgjatjen e menjëhershme të procesit të ri-regjistrimit të makinave dhe pezullimin e çdo veprimi ndëshkues ndaj mbajtësve të targave KM derisa të zgjidhet çështja e targave nga palët në kuadër të dialogut”.
Kjo, tha zëdhënësi, gjithashtu nënkupton fillimin e menjëhershëm të negociatave për themelimin e Asociacionit të Komunave me shumicë serbe. Parlamenti i Kosovës e ka ratifikuar Marrëveshjen e Brukselit dhe Gjykata Kushtetuese e Kosovës ka vendosur që Asociacioni duhet të krijohet, gjë që e bën themelimin e e tij detyrim ligjor për Kosovën. Dështimi i vazhdueshëm i Kosovës për të zbatuar këtë detyrim cenon parimin e sundimit të ligjit dhe dëmton reputacionin dhe besueshmërinë e Kosovës.
Është përgjegjësi e të dyja palëve të garantojnë paqen dhe qëndrueshmërinë në në terren dhe veprimet, të tilla si djegia e makinave ose retorika frikësuese, janë të papranueshme dhe do të nxisin një reagim të duhur nga komuniteti ndërkombëtar, tha zëdhënësi duke theksuar se Shtetet e Bashkuara u bëjnë thirrje palëve të zgjedhin rrugën e dialogut dhe të përmbahen nga veprimet që do të çonin në dhunë dhe përplasje. Shtetet e Bashkuara mbështesin plotësisht përpjekjet e BE-së për të vazhduar për të lehtësuar negociatat. Si Kosova ashtu edhe Serbia duhet të tregojnë se janë të gatshme të kërkojnë zgjidhje në mënyrë konstruktive dhe të respektojnë detyrimet e tyre të dala nga bisedimet e lehtësuara nga Bashkimi Evropian, tha ai.
Tensionet ndërmjet Kosovë dhe Serbisë u shtuan gjatë fundjavës pasi Lista Serbe, subjekti kryesor politik vendosi tërheqjen e plotë nga të gjitha institucionet e Kosovës për shkak të mospajtimeve me vendimin e autoriteteve të Kosovës për konvertimin e targave të makinave të lëshuara nga Serbia.
Me një nëntor autoritetet e Kosovës filluan zbatimin shkallë-shkallë të vendimit për targat e makinave që duhet të përmbyllet në muajin prill të vitit të ardhshëm, por kjo kundërshtohet nga Beogradi zyrtar dhe përfaqësuesit politik të serbëve të Kosovës. Vendimi i qeverisë së Kosovës u mor me gjithë thirrjet e Shteteve të Bashkuara dhe BE-së për një shtyrje dhjetë muajshe.
Me 3 nëntor autoritetet pezulluan nga puna komandantin e policisë në veriun e Kosovës Nenad Gjuriç për shkak të refuzimi të tij për të zbatuar vendimin e qeverisë për konvertimin e targave të makinave.
Ky ishte shkasi që përfaqësuesit serbë pas këshillimeve me Beogradin, vendosën të tërhiqen nga të gjitha institucionet e Kosovës.
Kryeministri i Kosovës Albin Kurti u bëri thirrje të dielën qytetarëve serbë në veri që t’i rezistojnë trysnisë së Beogradit dhe të mos heqin dorë nga vendet e punës duke thënë se Serbia po përpiqet të destabilizojë Kosovën.
Presidenti serb, Aleksandar Vuçiç hodhi poshtë të dielën të ketë ndikuar mbi serbët për t’u tërhequr nga institucionet ndërsa shfaqi shpresën se “Shtetet e Bashkuara do të vendosin që misioni i NATO-s në Kosovë, dhe misioni i Bashkimit Evropian për sundim të ligjit, do të kryejnë punën e policisë në veri të Kosovës”.
Ai shfaqi, siç tha, frikën se situata mund të përshkallëzojë “nëse amerikanët mendojnë që këtë punë mund ta bëjnë shqiptarët, e diçka e tillë nuk është në përputhje me marrëveshjen e Brukselit dhe vullnetin e popullit…”. / VOA
j.l./ dita
Ky është imperializmi amerikan të cilit shipecat vrapojnë t’i hynë në b….
Këto janë pasojat e Rambujesë,të cilen vizionari e atdhetari Demaçi e mohoj…..
Shipeca a u rrasët kapitalizëm?
Kadal o ambasador se ke marr flak si pushka e jevgut si mundet ti te perdoresh kete gjuh sikur kapo,ti kerkohet qeveris se kosoves te mos zbatoj ligjin dhe agresorit ti thuash mos na hap telashe se nuk eshte koha kjo eshte e pa pranushme per nje zyr diplomatike pra po i krahason viktimat me agresoret dhe po ju ep urdhra,po te kishte qeveri per 24ore duhet te debohesh nga kosova sepse kjo eshte nje gjuh rruge dhe nuk ka se si ndryshe.kjo ashte pra kur miku te tregon vendin ne shtepin tende ky nuk eshte partneritet por eshte arrogance e nje shtetit qe pretendon qe eshte demokratik u pa me zgjedhjet e 2020 se cfar demokracia kan shba prandaj edhe Albini i njeh mir prandaj nuk ju beson amerikanve se nuk jan dhe nuk dote jene miqt e kosoves ata kan miq ata qe e vjedhin vendin e tyre dhe i shesin interesat e vendeve qe perfaqsojn,por Albini nuk duhet te bij presjoneve te tyre se popullin e ka me vete se e kan kuptuar se amerikanet jan nje lloj si europjanet te pa bese.
Arben, sa shpejt e paske harruar se Kosoven e cliruan Amerikanet.
Amerikanet po lodhen me mohimet per marrveshje te Albin Kurtit dhe Vjosa Osmanit.
Amerikanet duan te shikojne nje shtet te pavarur, pa sherre te brendshme.
Nqse dikush mendon qe 4 komunat Serbe ne Kosove do zbuten, ben gabim, ato do jene gjithmone shkrepse zjarri per cdo moment, per te eskaluar situatat e luftes Serbi-Kosove.
Nuk ka cfare te duhet nje Komune Serbe brenda territorit, nje molle sherri.
Cfare ben njeriu ne shtepi, kur e shikon qe ka marre nje grua te keqe? E ndjek dhe bie rehat.
Keshtu jane edhe 4 komunat Serbe ne Kosove, nuk i duhen vec djallit.
E more mik nuk asht trritori si gruaja gruan e nda dhe nuk ka problem kurse trritorin po e leahove nuk e ke ma dhe ne lidhje me shba se e cliruan kosove per mua nuk me duket Taman kesht se po ta kishte cliruar dhe dhe e njeh me keto rerritor nuk ka pse thon tash e sa koh qe duhet te bejn kompromise te veshtira cfar dote thot kjo qe une te kam njohur por serbis duhet ti japesh dicka pra kjo nuk eshte clirim dhe njohe nga shba por ju thot kosovarce duhet tju jepni dicka serbeve mos valle kur u mposht gjermania mos e pyten se cfar duhet te begej me te e ndan me dysh njer ane amerkanet dhe tjetren ruset po keshtu pak a shum eshte dhe me kosoven hmbesi nuk ven kushte nese e cliroj kosoven edh nese eshte kesht nuk duhet se sa her flasin amerikanet dhe kosiva duhet te shrtij qafen se e ka clirua kjo nuk eshte e pranushme prandaj edhe ata duhet ta dijn deri ku i kan kufijt nese respektohn sivranitetin e kosoves dhe vendimarrin e ati shteti.