Prokuroria e Korçës ka ndryshuar masën e sigurisë për Voltan Shulkun, Arian Manellarin dhe Leonidha Gucen nga “detyrim paraqitje” në “arrest me burg”. Seksioni për hetimin e krimeve ndaj personit ka ekzekutuar urdhrin e gjykatës së Korçës për arrestimin e këtyre tre personave të dyshuar për përfshirjen në vrasjen e Egli Progës.
Më herët, prokuroria e Korçës kishte kërkuar masën e sigurisë “detyrim paraqitjeje” për të tre të dyshuarit, duke ndryshuar akuzën fillestare të bërë nga policia. Sipas burimeve zyrtare, tani masa e sigurisë është përmirësuar, dhe të tre të dyshuarit janë dërguar në burg.
Pas reagimit të familjarëve të viktimës për ndryshimin e akuzës ndaj Denis Meçes, i cili akuzohet për vrasje nga pakujdesia, prokuroria e Korçës ka ndryshuar prokurorin e kësaj çështjeje. Prokurorja Vasjana Postol, që po hetonte çështjen, është zëvendësuar nga titullarja e prokurorisë së Korçës, Dhorina Theodhori.
Fakti që masa e sigurisë ndaj tre personave të përfshirë është ashpërsuar, lë të hapur mundësinë që Denis Meçja të hetohet për vrasje me dashje, dhe jo për vrasje nga pakujdesia, siç ishte akuzuar fillimisht.
j.l./ dita
Tashi i erdhën mendtë Prokurorisë!
Vasjana Postol… te jape llogari, ne mos DOREHEQJEN direkt!
Nuk e kuptoj si po gjykohet marrja e jetës së një qytetari në këtë vend. Kjo do të thotë se sa pak vlerësohet jeta e jonë, dhe sa poshtë ka rene drejtësia shqiptare.
Kurrë do të kenë fund këto makabritete? Kur do të kemi shtet të së drejtës?