Vrasja e Egli Progës, Prokuroria e Korçës ka mbyllur hetimet mbi 4 të akuzuarit dhe pritet që ditën e sotme të bëjë komunikimin në IEVP ndaj të pandehurve, të cilët më pas do të përballen me akuzat e ngritura dhe provat e grumbulluara nga hetuesit në gjykatë.
Denis Meçe akuzohet për vrasje me dashje, ndërsa Leonidha Guçe, Voltan Shkulaku dhe Arjan Manellari akuzohen për veprime që pengojnë zbulimin e së vërtetës dhe mos kallëzim krimi.
Ndërkohë që vazhdon hetimi për shpërdorim detyre për punonjësit e policisë dhe çështja është ndarë.
Egli Proga baba i dy fëmijëve u vra mbrëmjen e 10 gushtit të vitit të kaluar në afërsi të vendit quajtur “Agjencia”, tek rreth-rrotullimi, në lagjen nr.2 në Pogradec.
i.b./dita
