Teksa duhen 5-7 ndeshje për të mbaruar kampionatet në zonën e Europës, është mësuar edhe skuadra e parë që shpallet kampione matematikisht në dhjetë ligat më të mëdha. Me fitoren 5-1 ndaj Luzern këtë të dielë, skuadra e Young Boys sigurojnë matematikisht titullin kampion të Super League, elitës së futbollit në Zvicër, në javën e 31-të të kampionatit. Pas kësaj jave skuadra e “verdhëzinjve” shkuan në kuotën e 64 pikëve, plot 18 pikë më shumë se Lugano i vendit të dytë, ndërsa kanë mbetur edhe pesë javë kampionat. Kështu Young Boys ia dalin që të fitojnë titullin e 16-të kampion të Super Leagues.
Kerko
