Policia e Tiranës ka finalizuar zbardhjen e disa vjedhjeve të ndodhura gjatë muajve prill dhe maj në qytet. Nga hetimet e kryera, është vënë në pranga shtetasi me iniciale A. D., 40 vjeç, banues në Ksamil, i dyshuar si autor i 6 vjedhjeve dhe tentativave për vjedhje të dyqaneve.
Hetimet e Policisë së Komisariatit Nr. 2, bazuar në prova të siguruara dhe verifikimin e kamerave të sigurisë, kanë nxjerrë në pah se 40-vjeçari ka vjedhur shuma të konsiderueshme parash dhe artikuj të ndryshëm nga pesë dyqane, ndërsa ka tentuar të vjedhë një dyqan tjetër.
I arrestuari është i dënuar më parë për veprimtari të ngjashme kriminale dhe dyshohet se ai ka kryer edhe vjedhje të tjera që nuk janë zbardhur ende. Policia është duke punuar për të verifikuar përfshirjen e tij në vjedhje të tjera.
Materialet procedurale iu referuan Prokurorisë së Tiranës, për veprime të mëtejshme.
i.b./dita
