Të mërkurën, 38 pasagjerë humbën jetën kur Fluturimi 8432 i Azerbajxhan Airlines u rrëzua teksa përpiqej të bënte një ulje emergjente pranë qytetit Aktau në Kazakistan.
Burimet e qeverisë së Azerbajxhanit kanë konfirmuar ekskluzivisht për Euronews-in në Lyon se shkaku i rrëzimit të avionit ishte një raketë ruse tokë-ajër, e cila goditi avionin gjatë një aktiviteti ajror me dron mbi Grozny, në Çeçeni.
Sipas burimeve për Euronews, raketa shpërtheu pranë avionit dhe copëzat e saj goditën pasagjerët dhe ekuipazhin e kabinës.
Goditja ndodhi gjatë fluturimit mbi Detin Kaspik, ndërsa avioni, i cili ishte dëmtuar rëndë, nuk iu lejua të ulej në asnjë aeroport rus, pavarësisht kërkesave të pilotëve për një ulje emergjente. Si rezultat, avioni u detyrua të fluturonte mbi det drejt qytetit Aktau në Kazakistan. Sipas të dhënave të tjera, sistemet e navigimit GPS të avionit u bllokuan gjatë fluturimit mbi Detin Kaspik, duke përkeqësuar situatën.
Gjatë uljes, avioni shpërtheu në flakë duke shkaktuar vdekjen e 38 personave. 29 pasagjerë mbijetuan, ndërsa disa të plagosur janë ende nën kujdes intensiv.
j.l./ dita
Nqse ngjarja eshte keshtu, atehere Ruset e kane bere me qellim, ne avion duhet te kete pasur pasagjer qe KGB donte ti vriste.
Goditja me rakete mund te ishte nje gabim, por moslejimi te ulet ne aeroport Rus, tregon qe ata ate avion e donin te asgjesuar me te gjithe njerezit ne bord.