Një suplement ushqimor me origjinë nga Gjermania ka ngritur alarmin tek Autoriteti Kombëtar i Ushqimit, pasi u konstatua prani e bakterit “Salmonella spp”, që konsiderohet i rrezikshëm për shëndetin e njeriut.
Bëhet fjalë për produktin “Moringa organic”, pjesë e kategorisë së suplementeve ushqimore dhe ushqimeve dietike, për të cilin Shqipëria ka marrë njoftim nga sistemi europian RASFF (Rapid Alert System for Food and Feed).
Sipas të dhënave të publikuara, produkti i identifikuar mban lotin “C 12105” dhe datë skadence 28.06.2028. Sasia e importuar në Shqipëri ka qenë 12 njësi me peshë 125 gram secila. Operatori eksportues është DRASANVI, SL, ndërsa importues në vend rezulton kompania “Espana Pharm” sh.p.k.
Sipas institucionit, operatori i biznesit ushqimor ka afishuar njoftimet përkatëse në pikat e tregtimit të suplementit.
Njoftimi i plotë i AKU
Në vijim të njoftimit ALERT të kategorisë, për ndjekje, Shqipëria është njoftuar nga sistemi RASFF (Rapid Alert Sistem for Food and Feed) me temë “Salmonella spp në suplemente ushqimore me origjinë nga Gjermania”, duke përbërë risk serioz për shëndetin e njeriut.
Të dhënat e produktit:
Lloji i produktit: suplemente ushqimore
Kategoria e produktit: ushqime dietike dhe suplemente
Emri i produktit në etiketë: Moringa organic
Lot: C 12105
Datë skadence: 28.06.2028
Sasia e importuar: 12 njësi x125 g
Operatori eksportues në Shqipëri: DRASANVI, SL/
Operatori importues në Shqipëri: Espana Pharm Sh.p.k
Nga verifimet e kryera në terren ka rezultuar se sasia e importuar është 12 njësi x125 g, nga të cilat në momentin e kontrollit janë gjetur gjendje në subjekt 6 njësi x125 g, të cilat u bllokuan me destinacion asgjësimin e tij, ndërsa sasia tjetër rezultoi e shitur te konsumatori final. Nga ana e operatorit të biznesit ushqimor është kryer afishimi i njoftimit për konsumatorët në pikat e tregtimit të këtij produkti. AKU bën thirrje që nëse konsumatorët e kanë në gjendje këtë produkt ta kthejnë pranë pikave ku e kanë blerë.
j.l./ dita
Po me per re qr se ketu sbesoj se egziston.ve.d tjeter. Po me ushqimin dhe me ilacet nuk behet shaka o RQ
Edhe thon pastaj pse esht ber kanceri si gripi
Rrofte Partia
Te kemi kryetaret shndosh
T tjerat skan rendesi
Ne diktature e qepem gojen.Jasht dere vetem muhabet sporti.Po s`ka mish dyqani,ka buke dhe margarine sa te duash.
Po ketyre si ti shpetosh?
Apo sjan dhe te shtrenjta kto pluhurat e çikores