Deri në 60 milionë tonë drithë mund të ngecen në Ukrainë deri në vjeshtë nëse vendi vazhdon të përballet me eksporte të bllokuara, u tha gazetarëve në Kiev të hënën presidenti ukrainas Volodymyr Zelenskyy.
“E dini, 22 milionë tonë janë bllokuar tani. Ne gjithashtu presim rreth 60 milionë tonë në vjeshtë. Atëherë do të jemi në një situatë vërtet të vështirë, shumë të vështirë”, tha Zelenskyy.
Sipas CNN, presidenti tha gjithashtu se po punonte me Kombet e Bashkuara në përpjekje për të hapur një korridor të sigurt që do të lejonte Ukrainën të eksportonte grurë nga portet e saj të Detit të Zi.
“Ne jemi të interesuar për këtë si eksportues. Ne jemi të interesuar për këtë, që fermerët tanë të vazhdojnë të punojnë për vitin e ardhshëm, për të korrat e ardhshme. Për ta bërë këtë, ne duhet të eksportojmë gjithë këtë drithë – elb, grurë, misër, etj”, tha Zelensky.
Ai shtoi se nga ana e tyre shteti ukrainas nuk po humb kohë dhe ne po punon në rrugë të ndryshme hekurudhore dhe porteve lumore për eksportin e drithit të tyre dhe këtë eksport po e rrisin çdo ditë.
j.l./ dita
