Presidenti ukrainas Volodymyr Zelenskyy ndërhyri përmes një video-mesazhi duke kërkuar mbështetjen e Ukrainës nga bota e kinemasë.
Festivali i 79-të i Filmit në Venecia, festivali më i vjetër i filmit në botë, filloi sonte, ku pati edhe një paraqitje surprizë nga presidenti ukrainas Volodymyr Zelenskyy.
Volodymyr Zelenskyy, një aktor vetë, doli në skenë përmes një video-mesazhi, për t’u bërë thirrje kolegëve të tij dhe botës së kinemasë në përgjithësi “të mos e harrojnë” luftën në vendin e tij, e cila “nuk zgjat 120 minuta por 189 ditë”.
Në fund të fjalës së tij, në ekran, në një sfond të zi u shfaq një listë makabre: emrat e të gjithë fëmijëve dhe adoleshentëve, deri në 18 vjeç, të vrarë në luftë.
j.l./ dita
