Lufta mund të marrë fund në 2025? Deklarata e Zelenskyt në Dubrovnik, si përgjigjet Rusia

Presidenti ukrainas Volodymyr Zelenskyy tha sot se situata në fushën e betejës krijon një mundësi për t’i dhënë fund luftës në vitin 2025.

“Në tetor, nëntor dhe dhjetor ne kemi mundësinë t’i lëvizim gjërat në drejtim të paqes dhe stabilitetit të qëndrueshëm. Situata në fushën e betejës krijon një mundësi për të bërë këtë zgjedhje, një zgjedhje për një veprim vendimtar për t’i dhënë fund luftës jo më vonë se 2025″, tha Zelensky në samitin e vendeve të Evropës Juglindore në Dubrovnik.

Ndërkohë zëdhënësja e Ministrisë së Jashtme ruse Maria Zakharova tha se arritja e një paqeje të drejtë në Ukrainë do të jetë e pamundur nëse Kievi humb neutralitetin e tij duke u bashkuar me një koalicion siç është aleanca ushtarake e NATO-s e udhëhequr nga SHBA.

Zakharova, duke iu referuar raporteve se Perëndimi po diskuton një version në të cilin Ukraina mund të bashkohet me NATO-n në këmbim të pranimit të kontrollit rus mbi territorin ukrainas, tha se arritja e një paqeje do bëhet vetëm nëse Kievi nuk do të anëtarësohet në një aleancë.

Zakharova tha se ajo që Moska e quajti një “operacion special ushtarak” në Ukrainë ishte pikërisht një reagim ndaj zgjerimit të NATO-s drejt lindjes.

i.b./dita