Presidenti francez Emmanuel Macron dhe ai ukrainas Volodymyr Zelensky kanë zhvilluar një bisedë telefonike gjatë ditës së djeshme.
Lajmin e bëri të ditur Sky News, sipas të cilit Macron Macron rikonfirmoi synimin e NATO-s për të dërguar armë në Ukrainë.
Kjo bisedë telefonike mes dy liderëve erdhi pasi presidenti francez tha në një intervistë se ai dëshiron ta shohë Rusinë të mundur në Ukrainë, por jo ta “shtypin” atë në tokën e saj.
Zyra e Macron tha në një deklaratë se të dy udhëheqësit diskutuan gjithashtu vizitat e fundit të Zelensky-t në Londër, Paris dhe Bruksel.
Macron gjithashtu ripohoi mbështetjen e tij për një propozim paqeje prej 10 pikash të paraqitur nga Zelensky gjatë bisedës së tyre telefonike.
Zelenskyy ka thënë se Emmanuel Macron po humb kohën e tij duke inkurajuar dialogun me Rusinë.
“Do të jetë një dialog i padobishëm. Në fakt Macron po humb kohën e tij. Kam arritur në përfundimin se nuk jemi në gjendje të ndryshojmë qëndrimin rus. Nëse ata kanë vendosur të izolohen në ëndrrën e rindërtimit të perandorisë së vjetër sovjetike, ne nuk mund të bëjmë asgjë për këtë. Atyre u takon të zgjedhin apo jo të bashkëpunojnë me komunitetin e kombeve në bazë të respektit reciprok”, tha ai për Corriere della Sera.
Kujtojmë se lufta në Ukrainë po vijon që prej 24 shkurtit të vitit të kaluar, ku mijëra persona kanë humbur jetën si pasojë e agresionit të pajustifikuar dhe paprovokuar rus.
j.l./ dita
