Afati për investimet strategjike do të shtyhet deri në 31 dhjetor të vitit 2027. Drafti me ndryshimet është dorëzuar në Kuvend.
Propozimi është bërë nga kreu i komisionit të Ekonomisë Eduard Shalsi i cili ndër të tjera kërkon edhe ndryshim në vlerën e projekteve që do të kualifikohen si projekte investimi strategjike.
Aktuaslisht vlera minimale e një projekti të propozuar për të marrë status potencial strategjik është 30 milionë euro dhe për procedurë të veçantë 50 milionë euro.
Në draftin e ri propozohet rritje e kësaj vlere dhe për një projekt të propozuar për t’u kualifikuar si investim potencial strategjik të jetë mbi 50 milionë euro si dhe të sigurojë hapjen e të paktën 300 vendeve të punes.
Njëkohësisht, në ligjin e rishikuar kërkohet që nëse subjekti synon procedurën e vençantë në çdo sektor, vlera e investimit te jete e barabarte ose me e madhe se 100 milione euro ose investimi te krijoje minimalisht 500 vende te reja pune.
Ndër të tjera kërkohet të detajohet procedura e paraqitjes se dosjes se projektit dhe vleresimit te saj duke permiresuar afatet e shqyrtimit.
Që prej vitit 2015 kur është miratuar ky ligj e deri më tani janë miratuar 40 projekte investimi strategjik dhe 34 janë ende në fazë vlerësimi
Pjesa me e madhe e këtyre projekteve janë në sektorin e turizmit ose turizem i integruar.
a.c./dita
