Komisioni Qendror i Zgjedhjeve (KQZ) ka përditësuar rezultatet e votave me postë të numëruara deri më tani në orët e para të së hënës, të vlefshme për zgjedhjet e rregullta parlamentare që u mbajtën më 9 shkurt. Me mbi 66 për qind të vendvotimeve të procesuara, Lëvizja Vetëvendosje prin me 52.72 për qind, e ndjekur nga Lidhja Demokratike e Kosovës me 29.8 për qind.
Sipas rezultateve të publikuara online nga autoritetet zgjedhore, në vendin e tretë gjendet Partia Demokratike e Kosovës me 7.98 për qind. Ndërsa, vendin e katërt e zë koalicioni mes Aleancës për Ardhmërinë e Kosovës dhe Nismës Socialdemokrate, me 3.32 për qind. Numërimi i votave me postë nisi më 28 shkurt dhe Komisioni Qendror i Zgjedhjeve ka thënë se ka aprovuar më shumë se 63.000 pako me fletëvotime.
Për votimet e 9 shkurtit, përveç votimit me postë, qytetarët janë vendit për herë të parë kanë mundur të votojnë edhe fizikisht në disa përfaqësi diplomatike. Numërimi i votave nga përfaqësitë diplomatike ka përfunduar dhe sipas KQZ-së, LVV-ja mori më së shumti vota, përkatësisht 12.261 vota apo 80.71 për qind.
Pas përfundimit të numërimit të votave me postë do të vazhdojë numërimi i votave me kusht dhe i votave të personave me nevoja të veçanta, duke mundësuar certifikimin e rezultateve dhe hapjen e rrugës për formimin e institucioneve të reja. Përveç votave nga përfaqësitë diplomatike, në Kosovë fillimisht ka përfunduar numërimi i votave të rregullta.
Sipas rezultateve preliminare të votimit të rregullt, Lëvizja Vetëvendosje është e para me 40.80 për qind të votave të fituara, pasuar nga Partia Demokratike e Kosovës me 22.05 për qind. E treta ka dalë Lidhja Demokratike e Kosovës me 17.64 për qind të votave, pasuar nga Aleanca për Ardhmërinë e Kosovës me 7.46 për qind të votave të fituara. Këto shifra tregojnë se asnjëra parti nuk ka mjaftueshëm vota për të formuar shumicën në Kuvendin me 120 ulëse të Kosovës. Nga partitë e komunitetit serb, më së shumti vota ka marrë Lista Serbe, përkatësisht 4.62 për qind.
REL
Votat me poste do te nxjerrin deputet e Divjake!?
O Partite e Kosoves!Kosoves sot nuk i duhen teatralitetet me 30 Parti se eshte ne Zgrip te Egzistences.E ndjeni si uturin Heshtja Serbe,.Eshte si heshtja e Bishes para sulmit.Albin Kurti e mbajti Kosoven nje e te pandare ne associacione serbe,.E beri Kosoven SHTET FUNKSIONALne te gjithe Territorin,Cep me Cep.Eshte i vendosur te mos leshoje asnje pellembe Kosove,.
Bashkimi i Partive shqiptare rreth Vetvendosjes,nuk eshte lux,eshte sot Detyre Kombetare.
Hasmi eshte sot me i favorizuar Nderkombetarisht se kurre,me Ardhjen e Trumpit ne krye te ShBA.Degjeneruari Grenello e dha bsinjalin.Ata po shesin Ukrainen ku investuan 350 miljarde armatime,Po urdherojne Zelenskin te firmose Kapitullimin.Vaj halli si do te sillen me Kosoven.Vetem Uniteti Kombetar i gjithe shqiptareve nga NewYorku ne Stamboll,mund te organizoje Qendresen.O Sot,o kurre!